सो छबि छिनहुँ न हिय सों जा‌ई -हनुमान प्रसाद पोद्दार

पद रत्नाकर -हनुमान प्रसाद पोद्दार

बाल-माधुरी की झाँकियाँ

राग देश - तीन ताल सो छबि छिनहुँ न हिय सों जा‌ई। करत गुपाल ललित लरिकैयाँ मैया लखि सचुपा‌ई॥ इक दिन स्याम रूँठि जननी सों करी निपट लरिका‌ई। हुमकि पीठ चढ़ि धरि दधि-भाजन गोरस लूट मचा‌ई॥ बानर बोली-बोलि दधि बाँटत, माँगत सो‌उ किलका‌ई। सो उतपात निरखि जननी अति आतुर चली रिसा‌ई॥ छरी दिखा‌इ कहत-’रे कान्हा ! तैं अति धूम मचा‌ई। करिहौं चूर चातुरी तोरी, अब लुकिहै कित जा‌ई’॥ जननि सकोप बिलोकि स्याम तब रहे तहीं ठिठका‌ई। सो ससंक चितवन मोहन की मुनि-मन लियो चुरा‌ई॥