सोहत सुठि स्याम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग झिंझोटी - ताल दादरा सोहत सुठि स्याम संग राधा रस-भीनी। राधा-मन लीन-स्याम, राधा हरि-लीनी॥ सुभग नील-स्याम बदन, राधा हेम रंगी। पीत बसन सुंदर, नव नील पट सुरंगी॥ अंग बरन आपस के दिब्य बसन धारी। मोर-मुकुट सोहत सिर, चंद्रिका उज्यारी॥ अधरनि पै दो‌उन के मृदुल हँसी छा‌ई। दो‌ऊ ही दो‌उन के अनुपम सुखदा‌ई॥ रास-रसराज स्याम, रासेस्वरि राधा। सुंदर अभिराम स्याम, नित ललाम राधा॥