सुभ निसान बाजत -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा-कृष्ण-जन्म-महोत्सव एवं जय-गान

राग देस - ताल दादरा सुभ निसान बाजत बृषभान-भौन आज री। प्रगटी रूप-भरी कुँवारि साँवर-सुख-साज री॥ सुंदरि सब गात चलीं, सरस मधुर गीत री। सजे सब मँगल-कलस, हि‌एँ भरी प्रीति री॥ कहत एक-’ह्वै हैं बस या के नँद-लाल री। दैहैं निज प्रियतम कौं परम सुख विसाल री’॥ ‘धन्य भाग्य हमरौ’ एक कहत हँसी बाम री। ‘हमहू सुख दरस-परस पैहैं अभिराम री’॥ दधि-माखन भरे माट सीसन धरि गोप री। आवत सब गो-रस बरसावत अति ओप री॥ सिव, बिधि, सुरराज, सनक, नारदादि संत री। आ‌ए सब गुप्त, करत कीरति हियवंत री॥