सुन्यौ नँद-घर लाला जायौ -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा-कृष्ण-जन्म-महोत्सव एवं जय-गान

राग कालिगंड़ा - ताल कहरवा सुन्यौ नँद-घर लाला जायौ। सुनत ही आनँद मद छायौ॥ सबै जन तन-मन-सुधि खोकर। छके मतवारे-से होकर॥ तरुन-तरुनी, छोरा-छोरी। लगा‌ए तन केसर-रोरी॥ डोकरे‌ऊ मन भर्‌यो उमंग। डुकरियन कौं लै अपने संग॥ अनोखे न‌ए-न‌ए सिंगार। सजें सब चले नंद के द्वार॥ दही-माखन के भरि-भरि माट। सिर धरें, अजब बना‌एँ ठाट॥ पहुँचि सब नाचन-गावन लगे। बावरे भ‌ए प्रेम-रस पगे॥ प्रेम-रस-नदी बहा‌ई है। बधा‌ई-बड़ी बधा‌ई है॥ नंदबाबा की जै-जै-जै। मात जसुमति की जै-जै-जै॥ कन्हैया छैया की जै-जै। सबै मिलि बोलो जै-जै-जै॥