सुनि मधु मुनि-मन-मोहनि मुरली -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग वागेश्री - ताल कहरवा सुनि मधु मुनि-मन-मोहनि मुरली, करि मधु रूप-सुधा-रस-पान। बिसरे अग-जग, तन-मन सगरे, राधा भ‌ई तुरत बेभान॥ स्रवन-नयन-पथ करि प्रबेस उर, छेड़ि रहे मधु मुरली-तान। छाय रहे, रस लगे उँड़ेलन दिब्य मधुर रसराज सुजान॥ जोगी, परम सिद्ध, तापस, मुनि, ग्यानी, जीवन्मुक्त महान। सुनि मुरली, अवलोकि मधुर छबि, रखि नहिं सकत चित्त-‌अवधान॥ चकित-थकित, उर द्रवित, स्रवत दृग, बरबस तजि बिराग अरु ग्यान। डूबत मधुर प्रेम-रस-निधि अति, भजत अहैतुक मन भगवान॥