सबनि सनेहौ छाँ‍ड़ि दयौ -सूरदास

सूरसागर

प्रथम स्कन्ध

राग देवगंधार सबनि सनेहौ छाँ‍ड़ि दयौ। हा जदुनाथ ! जरा तन ग्रास्‍यौ, प्रतिभौ उतरि गयौ। सोइ तिथि-बार-नछत्र-लगन-ग्रह, सोइ जिहिं ठाठ ठयौ। तिन अंकनि कोउ फिरि नहिं बाँचत, गत स्‍वारथ समयौ। सोइ धन-धाम, नाम सोई, कुल सोई जिहि बिढ़यौ। अब सबही कौ बदन स्‍वान लौं, चितवत दूरि भयौ। बरष दिवस करि होत पुरातन, फिरि-फिरि लिखत नयौ। निज कृति-दोष बिचारि सूर प्रभु तुम्‍हरी सरन गयौ।।298।।