विषया जात हरष्‍यौ गात -सूरदास

सूरसागर

द्वितीय स्कन्ध

राग कान्‍हरौ विषया जात हरष्‍यौ गात। ऐसे अंध, जानि निधि लूटत, परतिय सँग लपटात। बरजि रहे सब, कह्यौ न मानत, करि-करि जतन उड़ात। परै अचानक त्‍यौं रस-लंपट, तनु तजि जमपुर जात। यह तौ सुनी ब्‍यास के मुख तैं, परदारा दुखदात। रुधिर-मेद, मल-मूत्र कठिन कुच, उदर गंध-गंधात। तन-धन-जोबन ता हित खोबत, नरक की पाछैं बात। जो नर भलौ चहत तौ सो तजि, सूर स्‍याम गुन गात।।24।। इस पद के अनुवाद के लिए यहाँ क्लिक करें