राधा की सुधि करत कन्हा‌ई -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग खमाच - तीन ताल राधा की सुधि करत कन्हा‌ई। कहत रूप-गुन-सील प्रिया के, धीरज चली परा‌ई॥ प्रगटी प्रिया-मूर्ति नभ स्मृति अनुरूप मंजु छबि छा‌ई। मृदु मुसुकान, तदपि मुख-पंकज रह्यौ मनौं कु‌म्हिला‌ई॥ थिर सब अंग, नैन नीचे थिर, सहज समाधि लगा‌ई। प्रिय-‌उर-भाव प्रगट भ‌ए सगरे, मूर्तिवंत ह्वै आ‌ई॥ लखि लच्छन बिरुद्ध-धर्माश्रय, मगन भ‌ए जदुरा‌ई। हर्ष-बिषाद भरी मुख-छबि वह हरि-हिय माँझ सरसाई॥ ढरे अश्रु-मुक्ता ऊधौ-दृग, स्नेह-सुधा सरसा‌ई। अकथ कहानी दिय प्रेम की, कैसेहुँ कही न जा‌ई॥