राजति राधे अलक भली री -सूरदास

सूरसागर

दशम स्कन्ध

राग बिहागरौ राजति राधे अलक भली री। मुकता माँग, तिलक पन्नगि सिर, सुत समेत भष लेन चली री।। कुमकुम-आड़ स्रवत स्रम-जल मिलि, मधु पीवत छबि छीट चली री। चारु उरज ऊपर यौं राजति, अरुझे अति-कुल कमल-कली री।। रोमावलि त्रिबली उर परसति, बाँस चढ़े नट काम बली री। प्रीति सुहाग भुजा सिर मंडन, जघन सघन विपरित कदली री।। जावक चरन, पंच-सर-सायक, समर जीति लै सरन चली री। सूरदास प्रभु कौं सुख दीन्हौ, नख-सिख राधे सुखनि फली री।।1703।।