राखौ पति गिरिवर गिरिधारी -सूरदास

सूरसागर

प्रथम स्कन्ध

राग मारू राखौ पति गिरिवर गिरिधारी ! अब तौ नाथ, रह्यौ कछु नाहिन, उधरत माथ अनाथ पुकारी। बैठी सभा सकल भूपनि की, भीषम-द्रोन-‍करन ब्रतबारी। कहि न सकत कोउ बात वदन पर, इन पतितनि मो अपति बिचारी। पांडु-कुमार पवन से डोलत, भीम गदा कर तैं महि डारी। रही न पैज प्रबल पारथ की, जब तै धरम-सुत धरनी हारी। अब तौ नाथ न मेरौ कोई, बिनु श्रीनाथ-मुकुंद-मुरारी। सूरदास अवसर के चूकैं, फिरि पछितैहौं देखि उबारी।।248।।