यह सुनि राजा रोइ पुकारे -सूरदास

सूरसागर

प्रथम स्कन्ध

राग बिलावल यह सुनि राजा रोइ पुकारे। भीमादिक रोए पुनि सारे। रोवत सुनि कुंती तहँ आई। कहौ, कुसल जादौ-जदुराई ? अर्जुन कह्यौ, सबै नरि मुए। हरि बिनु सब अनाथ हम हुए। कुंती प्रान तजे धरि ध्‍यान। जीवन मरन उनहिं भल जान। राज परीच्छित को नृप दीन्‍हौ। बज्रनाभ मथुरापति कीन्‍हौ। द्रुपद-सुता समेत सब भाई। उत्तर दिसा गए हरि ध्‍याई। जोग पंथ करि उन तनु तजे। सूर सबै तजि हरि-पद भजे।।288।।