यह कहि प्यारी भवन गई -सूरदास

सूरसागर

दशम स्कन्ध

राग देव गंधार यह कहि प्यारी भवन गई। रीझे स्याम देखि वा छबि पर, रिस मुख सुदरई।। द्वार कपाट दियौ गाढे करि, कर आपनै बनाइ। नैकु नहीं कहुँ सधि बचाई, पौढि रही तब जाइ।। इहि अंतर, हरि अंतरजामी, जो कछु करै सु होइ। जहाँ नारि मुख मूँदि पौढ़ि रही, तहाँ संग रहे सोइ।। जो देखै ह्याँ संग बिराजत, चली तिया झहराइ। एक स्याम आँगनही देखे, इक गृह रहे समाइ।। उत कौ वै अति बिनय करत है, इत अंकम भरि लीन्ही। 'सूर' स्याम मनहरनि कला बहु, मन हरि कै बस कीन्ही।।2526।।