मेरी सिख स्रवन काहैं न करति -सूरदास

सूरसागर

दशम स्कन्ध

राग बिहागरौ मेरी सिख स्रवन काहैं न करति। अजहुँ भोरी भई रैंहै, कहति तोस डरति।। ससि निरखि मुख चलत नाहिन, नैन निरखि कुरंग। कमल, खंजन, मीन, मधुकर, होत हैं चित-भंग।। देखि नासा कीर लज्जित, अधर दसन निहारि। बिंब अरु बंधूक बिद्रुम, दामिनी डर भारि।। उर निरखि चकवाक बिथके, कटि निरखि बन राज। चाल देखि मराल भूले, चलत तब गजराज।। अंग-अँग अवलोकि सोभा, मनहिं देखि बिचारि। सूर मुख पट देति काहैं न, बरष द्वादस भारि।।1715।।