मेरी बेर क्‍यौं रहे सोचि -सूरदास

सूरसागर

प्रथम स्कन्ध

राग नट              मेरी बेर क्‍यौं रहे सोचि ? काटि कै अध-फाँस पठवहू, ज्‍यौं दियौ गज मोचि। कौन करनी घाटि मोसौं, सो करौं फिरि काँधि। न्‍याइ कै नहिं खुनुस कीजै, चूक पल्‍लैं बाँधि। मैं कछू करिबे न छाँड्यौ, या सरीरहिं पाइ। तऊ मेरौ मन न मानत, रह्यौ अध पर छाइ। अब कछू हरि कसरि नाहीं, कत लगावत बार। सूर प्रभु यह जानि पदवी, चलत बैलहिं आर।।199।। इस पद के अनुवाद के लिए यहाँ क्लिक करें