मेघनाद ब्रह्मा-बर पायो -सूरदास

सूरसागर

नवम स्कन्ध

राग मारू   मेघनाद ब्रह्मा-बर पायो। आहुति अगिनि जिवाइ सँतोषी निकस्यौ रथ वहु रतन बनयौ। आयुध धरैं समस्त कवच सजि, गरजि चढ़यौ रन-भूमिहिं आयौ। मनौ मेघनायक रितु पावस, बान-वृष्टि करि सैन कँपायौ। कीन्हौं कोप कुँवर कौसलपति, पंथ अकास सायकनि छायौ। हँसि-हँसि नाग फाँस सर साँघत, बंधु-समेत बँधायौ। नारद-स्वामी कह्यौ निकट ह्वै, गरुड़ासन काहैं विसरायौ? भयौ तोष दसरथ के सुत कौं, सुनि नारद कौ ज्ञान लखायौ। सुनिरन ध्यान जानि कै अपनै, नाग-फाँस तैं सेन छुड़ायौ। सूर बिमान चढ़े सुरपुर सौं, आनँद अभय-निसान बजायौ॥141॥