महाराज दसरथ यौं सोचत -सूरदास

सूरसागर

नवम स्कन्ध

राग कान्‍हरौ कैकेयी-बचन, श्रीराम के प्रति    महाराज दसरथ यौं सोचत । हा रघुनाथ, लछन, बैदेही सुमिरि नीर दृग मोचत। त्रिया-चरित मतिमंद न समझत, उठि प्रछालि मुख धोवत। अति परीत बिरीत कछु औरै, बार-बार मुख जोवत। परम कुबुद्धि कह्यौ नहिं समुझति, राम-लछन हँकराए। कौशिल्‍या सुनि परम दीन ह्वै, नैन नीर ढरकाए। बिहूल तम-मन चकृत भई सो, यह प्रतच्‍छ सुपनाए। गदगद- कंठ सूर कोसलपुर सोर सुनत दुख पाए॥31॥