मन राम-नाम-‍सुमिरन बिनु -सूरदास

सूरसागर

प्रथम स्कन्ध

राग धनाश्रीं (मन) राम-नाम-‍सुमिरन बिनु, बादि जनम खोयौ। रंचक सुख कारन तैं अंत क्‍यौं बिगोयौ। साधु-संग, भझि बिना, तन अकार्थ जाई। ज्‍वारी ज्‍यौं हाथ झारि, चाल छुटकाई। दारा-सुत, देह-गेह, संपति सुखदाई। इनमैं कछु नाहिं तेरौ, काल-अवधि आई। काम-क्रोध-लोभ-मोह-तृष्‍ना मन मोयौ। गोविंद-गुन चित बिसारि, कौन नींद सोयौ। सूर कहै चित बिचारि, भूल्‍यौ भ्रम अंधा। राम-राम भजि लै, तजि औंर सकल धंधा।।330।।