मथति ग्‍वालि हरि देखी जाइ -सूरदास

सूरसागर

दशम स्कन्ध

राग धनाश्री मथति ग्‍वालि हरि देखी जाइ। गए हुते माखन का चोरी, देखत छबि रहे नैन लगाइ। डोलत तनु सिर-अँचल उधर्यौ, बेनी पीठि डुलति इहिं भाइ। बदन-इंदु पय-पान करन कौं, मनहुँ उरग उड़ि लागत धाइ। निरखि स्‍याम अँग-अँग-प्रति-सोमा, भुज भरि धरि, लीन्‍हौ उर लाइ। चितै रही जुवती हरि कौ मुख, नैन-सैन दै, चितहिं चुराइ। तन-मन की गति-मति बिसराई, सुख दीन्‍हौ कछु माखन खाइ। सूरदास प्रभु रसिक-सिरोमनि तुम्‍हरी लीला को कहै गाइ।।298।।