भक्ति-पंथ कौं जो अनुसरै -सूरदास

सूरसागर

द्वितीय स्कन्ध

राग बिलाबल भक्ति-पंथ कौं जो अनुसरै। सुत-कलत्र सौं हित परिहरै। असन-बसन की चित न करै। बिस्‍वंभर सब जग कौं भरै। पसु जाके द्वारे पर होइ। ताकौं पोषत अह-निसि सोइ। जो प्रभु कै सरनागत आवै। ताकौं प्रभु क्‍यौं करि बिसरावै? मातु-उदर मैं रस पहुँचावत। बहुरि रुधिर तैं छीर बनावत। असन-काज प्रभु बन-फल करे। तृषा-हेत जल-झरना भरे। पात्र स्‍थान हाथ हरि दीन्‍हे। बसन-काज बल्‍कल प्रभु कीन्‍हे। सज्‍जा पृथ्‍वी करी बिस्‍तार। गृह गिरि-कंदर करे अपार। तातैं सब चिंता करि त्‍याग। सूर करौ हरि-पद अनुराग।।20।। इस पद के अनुवाद के लिए यहाँ क्लिक करें