ब्रत पूरन कियौ नंद-कुमार -सूरदास

सूरसागर

दशम स्कन्ध

राग सूही ब्रत पूरन कियौ नंद-कुमार। जुवतिनि के मेटे जंजार।। जप तप करि तनु अब जनि गारौ। तुम घरनी मैं कंत तुम्हारौ।। अंतर सोच दूरि करि डारौ। मेरौ कह्यौ सत्य उर धारौ।। सरद-रास तुम आस पुराऊँ। अंकम भरि सबकौं उर लाऊँ।। यह सुनि सब मन हरष बढ़ायौ। मन-मन कह्यौ कृष्न पति पायौ।। जाहु सबै घर घोष-कुमारी। सरद-रास दैंहौं सुख भारी।। सूर स्याम प्रगटे गिरिधारी। आनंद सहित गईं घर नारी।।797।।