ब्रज घर-घर सब भोजन साजत -सूरदास

सूरसागर

दशम स्कन्ध

राग बिलावल ब्रज घर-घर सब भोजन साजत। सबकैं द्वार बधाई बाजत।। सकट जोरि लै चले देव-बलि। गोकुल ब्रजवासी सब हिलि मिलि।। दधि लवनी मधु साजि मिठाई। कहँ लगि कहौं सबै बहुताई।। घर-घर तैं पकवान चलाए। निकसि गाउँ के ग्वैडें आए।। ब्रजबासी कहं जुरे अपारा। सिंधु समान न वार न पारा।। बड़ा चलन नहीं कोउ पावत। सकट भरे सब भोजन आवत।। सहस सकट चले नंद महर के। और सकट कितने घर-घर सूरदास प्रभु महिमा-सागर। गोकुल प्रगटे हैं हरि नागर।।901।।