बाम करज टेक्यौ गिरिराज -सूरदास

सूरसागर

दशम स्कन्ध

राग मलार बाम करज टेक्यौह गिरिराज। गोपी-गाइ-ग्वाल-गोसुत कौ, दुख बिसरयौ, सुख करत समाज।। आनँद करत सकल गिरिवर-तर, दुख डारयौ सबहिन बिसराइ। चकृत भए देखत यह लीला, परत सबै हरि-चरननि धाइ।। गिरिवर टेकि रहे बाएँ कर, दच्छिन कर लियौ सखनि उठाइ। कान्ह कहत ऐसौ गोवर्धन, देखौ कैसौ कियौ सहाइ।। गोप ग्वा‍ल नंदादिक जहँ लौ, नंद-सुवन लियौ निकट बुलाइ। सूरदास प्रभु कहत सबनि सौं, तुमहूँ मिलि टेकौ गिरि आइ।।872।।