बहुत कृपा इहिं करी गुसाई -सूरदास

सूरसागर

दशम स्कन्ध

राग कान्हरौ बहुत कृपा इहिं करी गुसाई। इतनी कृपा करी नहि काहूँ, जिनि राखे सरनाई। कृपा करी प्रहलाद भक्त कौं, द्रुपद-सुता-पति राखी। ग्राह ग्रसत गजराज छुड़ायौ, बेद पुरानति भाखी। जो कछु कृपा करी काली पर, सो काहूँ नहिं कीन्ही। कोटि ब्रह्मंड रोम-प्रति अंगनि, ते पद फन-प्रति दीन्ही। धरनि सीस धरि सेस गरब धरयौ इहिं भर अधिक सैनारभौ। पूरन कृपा करी सूरज प्रभु, पग फन-फन-प्रति वारयौ।।567।।