बंदौं मधुर लाडिलि-लाल -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग सारंग - ताल रूपक बंदौं मधुर लाड़िलि-लाल। रूप-रसके दिब्य अनुपम उदधि अमित बिसाल॥ स्याम घन तन, मुरलि कर बर, अधर मृदु मुसकान। सिर मुकुट-सिखिपिच्छ सोहत, सुभग दृग रसखान॥ नित्य अतुल अचिंत्य गुन, सौंदर्य-निधि अभिराम। रूप राधा मदनमोहन-हृदय-हरन ललाम॥ चंद्रिका सिर सोह-मोहन नयन, मुख मृदु हास। कर रची मेंहदी, सजे तन दिव्य भूषन-बास॥ तरु-लता-पल्लव-सुमन-सिखि जुत अरन्य सुठाम। स्याम-राधा मुदित ठाढ़े कदँब-तल सुखधाम॥