प्रेम की मूरति नागर नट की -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा कृष्ण जन्म महोत्सव एवं जय गान

राग आसावरी- तीन ताल प्रेम की मूरति नागर नट की। पुन्य थली बरसानें प्रगटी, माया की छाया सब सटकी॥ राधा-प्रेम-सुधा-रस-सरिता अटकत नायँ काहु की हटकी। चली अबाध अमी-रस-धारा हरि की ओर, कितहुँ नहिं भटकी॥ रागी हरि-पद, बिषय-बिरागी जन, जे अवगाही रस गटकी। ते सजि गोप-गोपि का आ‌ए, लै-लै सिर दधि-माखन-मटकी॥ निरखन लगे, करन न्योछावर, रासि-रासि आभूषन-पट की। सोहत बंदनवार-पाँति सुभ, कदली खंभ सुमंगल घट की॥ ‘अचल सुहाग’ असीसत बृद्धा, जुबती हँसत-हँसावत मटकी। नाचत-गावत सुधि बिसारि सब, सहजहिं लाज-सरम सब झटकी॥