परत मन छिन नैकहु नहिं चैन -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग आसावरी - तीन ताल परत मन छिन नैकहु नहिं चैन। ब्याकुल ब्यथित चित्त दिन बीतत, परत नींद नहिं रैन॥ घर-धन-परिजन हुते सबहि अति प्यारे, हुतौ ममत्व। अब न सुहात कतहुँ, को‌उ कबहूँ, सब महँ भयौ समत्व॥ मन न करत कछु तिन के आवन-जावन की परवाह। एकमात्र प्रियतम-दरसन की बढ़त नित न‌ई चाह॥ सुरति न करत अन्य की मन, तजि सगरी व्याधि-‌उपाधि। ’प्रिय-मिलनेच्छा’ रूप भयौ बस, लागी सहज समाधि॥ मिटी असांति-विथा-ब्याकुलता, पायौ सब बिधि चैन। इच्छा तीब्र अनन्य मिलन की भ‌ई सकल सुख-‌ऐन॥