नव-निकुंज सुख-पुंज बिराजित -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग छाया नट ताल - एकताल नव-निकुंज सुख-पुंज बिराजित, मोहनि मोहन मधुर महान। सुन्दर बदन, सदन रसमाधुरि, बंकिम भृकुटि उभय रसखान॥ प्रिय-‌अनुरागिनि नित बड़भागिनि निरखत नित नव रूप सुजान। करत स्याम-दृग मधुप निरन्तर लाड़िलि-मुख-पंकज-मधुपान॥ कुटिल कटाच्छ बिसिख तन जरजर, पा‌इ सुधा-मधु मृदु बर हास। भये परस्पर सबल रय तन, रचे रुचिर सुचि सुखद बिलास॥ प्रेम सुधारस-‌उदधि मध्य मृदु तीब्र उठत रस बिबिध तरंग। सहज तरंगायित मन-मति सब पुलकित ललित अंग-प्रत्यंग॥