नवल गुपाल, नबेली राधा -सूरदास

सूरसागर

दशम स्कन्ध

राग कान्हरौ नवल गुपाल, नबेली राधा, नये प्रेम-रस पागे। अंतर बन-बिहार दोउ क्रीड़त, आपु-आपु अनुरागे। सोभित सिथिल बसन मनमोहन, सुखवत स्रम के पागे। मानहुँ बुझी मदन की ज्वाला, बहुरि प्रजारन लागे। कबहुँक बैठि अंस भुज धरि कै, पीक कपोलनि पागे। अति रस-रासि लुटावत लूटत, लालचि लाल सभागे।। नहिं छूटति रति-रुचिर भायिनो, वा रस मैं दोउ पागे। मनहुँ सूर कल्पद्रुम की सिधि, लै उतरी फल आगे।।686।।