नंद महर घर होत बधाई -सूरदास

सूरसागर

दशम स्कन्ध

राग बिलावल नंद महर घर होत बधाई। करत सवै बिधि देव-पुजाई।। नेवज करति जसोदा आतुर। आठौ सिद्धि घरहिं अति चातुर।। मैदा उज्जवल करि कै छान्यौ। बेसन दारि-चनक करि बान्यौ।। घृत मिष्टान्न सवै परिपूरन। मिस्री करत पाग कौं चूरन।। कदुआ करत मिठाई घृत पक। रोहिनि करति अन्न भोजन-तक।। संग और ब्रजनारी लागीं। भोजन करति हैं बड़ी सभागी।। महरि करति ऊपर तरकारी। जोरति सब बिधि न्यारी-न्यारी।। सूरदास जो माँगत जवहीं। भीतर ते लै देति हैं तबहीं।।892।।