नंद-नंदन इक बुद्धि उपाई -सूरदास

सूरसागर

दशम स्कन्ध

राग रामकली नंद-नँदन इक बुद्धि उपाई। जे-जे सखा प्रकृति के जाने, ते सब लए बुलाई।। सुबल, सुदामा, श्रीदामा मिलि, और महर-सुन आए। जो कछु मंत्र हृदय हरि कीन्‍हौ, ग्‍वालनि प्रगट सुनाए।। ब्रज-जुवती नित प्रति दधि-बेंचन, बनि बनि मथुरा जातिं। राधा, चंद्रावलि, ललितादिक, बहु तरुनी इक भाँति।। कालिंदी-तट काल्हि प्रातहीं, द्रुम चढि़ रहौ लुकाइ। गोरस लै जबहीं सब आवैं, मारग रोकौ जाइ।। भली बुद्धि यह रची कन्‍हाई सखनि कह्यौ सुख पाइ। सूरदास प्रभु-प्रीति‍ हृदय की, सब मन गई जनाइ।।1492।।