नंदलाल सौं मेरौ मन मान्यौ -सूरदास

सूरसागर

दशम स्कन्ध

राग आसावरी नंदलाल सौं मेरौ मन मान्यौ, कहा करैगौ कोउ। मैं तो चरन-कमल लपटानी, जो भावै सो होउ।। बाप रिसाइ, माइ घर मारै, हँसैं बिराने लोग। अब तौ स्यामहिं सौं रति बाढ़ी, बिधना रच्यौ सँजोग।। जाति महति पति जाइ न मेरी, अरु परलोक नसाइ। गिरिधर बर मैं नैकु न छाँड़ौं, मिली निसान बजाइ।। बहुरि कबहिं यह तन धरि पैहों, कहँ पुनि श्री बनवारी। सूरदास-स्वामी कैं ऊपर यह तन डारौं वारी।।1663।।