दुहुनि की प्रीति अनादि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग खमाज - तीन ताल दुहुनि की प्रीति अनादि, अनोखी। परम मधुर मूरति सनेह की, चिदानंदमय चोखी। मन-बचननि ते परे दिब्य दंपति अनादि अति सोहनि। पटतर नहिं को‌उ, भ‌ई, न हो‌इहै, जोड़ी मोहन-मोहनि॥ प्रेमी-प्रेमास्पद दो‌उ नित ही, नित्य एक, द्वै देही। नित्य रास-रस-मत्त, मत्ततारहित सुचारु सनेही॥ ब्रज-निकुंज प्रगटे दो‌उ रसमय, रसिक जननि सुख-हेतु। करत नित्य लीला तहँ सुललित लोकोत्तर रस-केतु॥ सेवक मोहि करो दो‌उ रसनिधि, करि अति नेह अकारन। राखौ चरननि में नित अपुनें, करि बिष-बिषय-निबारन॥