दधि-सुत जामे नंद-दुवार -सूरदास

सूरसागर

दशम स्कन्ध

राग धनाश्री दधि-सुत जामे नंद-दुवार। निरखि नैन अरुझ्यौ मनमोहन, रटत देहु कर बारंबार। दीरघ मोल कह्यौ ब्यौपारी, रहे ठगे सब कौतुक हार। कर ऊपर लै राखि रहे हरि, देत न मुक्ता परम सुढार। गोकुलनाथ बए जसुमति के आँगन भीतर भवन मँझार। साखा-पत्र भए जल मेलत, फूलत-फरत न लागी बार। जानत नहीं मरम सुर-नर-मुनि ब्रह्मादिक नहिं परत बिचार। सूरदास प्रभु की यह लीला, ब्रज-बनिता पहिरे गुहि हार।।173।।