तेऊ चाहत कृपा तुम्‍हारी -सूरदास

सूरसागर

प्रथम स्कन्ध

राग धनाश्री तेऊ चाहत कृपा तुम्‍हारी। जिन कैं वस अनिमिष अनेक गन अनुचर अज्ञाकारी। बहत पवन, भरमत ससि-दिनकर, फनपति सिर न डुलावै। दाहक गुन तजि सकत न पावक, सिंधु न सलिल बढ़ावै। सिव-विरंचि-सुरपति-समेत सब सेवत प्रभु-पद चाप। जो कुछ करन कहत सोई सोइ कीजत अति अकुलाए। तुम अनादि, अविगत, अनंत-गुन-पूरन परमानंद। सूरदास पर कृपा करौ प्रभु, श्रीबृंदावन-चंद।।163।।