तुरत तहां सब बिप्र बुलाए -सूरदास

सूरसागर

दशम स्कन्ध

राग बिलावल तुरत तहाँ सब बिप्र बुलाए। जग्यारंभ तहाँ करवाए।। सामवेद द्विज गान करत तहँ। देखत सुर वियके अंबर महँ।। सुरपति-पूजा तबहिं मिटाई। गिरि गोबर्धन तिलक चढ़ाई।। कान्ह कह्यौ गिरि दूध अन्हावहु। बड़े देवता इनहिं बहर कौ। गोवर्धन दूधहिं अन्हवाए। देवराज कहि माथ नवाए।। नयौ देवता कान्ह पुजावत। नर-नारी सब देखन आवत।। सूर स्याम गोबर्धन थाप्यौ। इंद्र देखि रिस करि तनु काँप्यौ।।906।।