झूलत अभिराम स्याम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग अडाना - झप ताल झूलत अभिराम स्याम, स्यामा बामा ललाम, सुषमा के सरस धाम, रतनमय हिंडोरे। ललितादिक सखी-बृंद निरखत बदनारबिंद, रसलोलुप मन-मिलिंद, देत मृदु झकोरे॥ सरद-‌इंदु उदित गगन, बहत बिमल मलय-पवन, अलि-कुल कल-मुखरित बन, सब्द सुधा-बोरे। बिसद लता रही झूल, बिकसि रहे बिबिध फूल, कालिंदी कलित कूल, सुखद सुचि हिलोरे॥ सोभित मनि-रत्नहार, गुंजमाल गल बिहार, अंग-‌अंग वर सिँगार, मुनिन चित्त चोरे। नव-नीरद-नील स्याम, तडित-वरन रूप-धाम, मोहित सत कोटि काम, रहत तृनहि तोरे॥ नागर-नागरि-बिलास, सखियन मन अति हुलास, मधुर अधर मंद-हास, रसमय झकझोरे॥