झुलावत निज कर नंद-किसोर -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग मल्हार - तीन ताल झुलावत निज कर नंद-किसोर। रतन हिंडोरें बैठी राधा झूल रही आनंद-बिभोर॥ झूलि रही पिय के सुख कारन, भूलि रही सगरौ संसार। मुख-पंकज-मकरंद-पानरत नयन-मधुप, आनंद अपार॥ निरखि किसोरी कौ सुस्मित आनंद-निमग्र बदन-सरदिंदु। उमग्यौ हरि-‌उर परम मधुर अति प्रेमानंद-सुधा-रस-सिंधु॥ सखी-सहचरी भूलीं तन-मन, निरखि मधुर लीला-रस-रंग। मर्माहत मूर्च्छित ह्वै रति-सँग अवनी ऊपर पर्‌यौ अनंग॥