जय राधे, जय जय राधे -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा कृष्ण जन्म महोत्सव एवं जय गान

राग जंगला - ताल कहरवा जय राधे, जय जय राधे। जय राधे, जय जय राधे॥ रावल में छायौ आनंद। प्रगटी राधा आनँद-कंद॥-जय० नंदीसुर तें आये नंद। लीन्हे सँग उपनंद, सनंद॥-जय० जसुदा मैया रोहिनि संग। दा‌ऊ-कान्हा लिये उछंग॥-जय० रैंदा-पैंदा, तोक-सुदाम। मधुमंगल, मनसुख, सुखराम॥-जय० दधि-माखन कौ लै उपहार। पहुँचे सब सज-सज सिंगार॥-जय० नृप बृषभानु मुदित भ‌ए देख। स्वागत कर मन हरष बिसेष॥-जय० जसुदा-रोहिनि भीतर जाय। मिली कीर्तिदा अति हरषाय॥-जय० लाली कौं अति लाड़ लड़ात। जसुदा-मन नहिं मोद समात॥-जय० लाला के मुख मोद अपार। निरख करत सब जै-जैकार॥-जय०