जयति जय जयति -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग खमाच - राग दादरा जयति जय जयति रस-भाव-जोरी। नील घन स्याम अभिराम, मुनि-मन-हरन, दुति करन ज्योति राधा किसोरी। पीत पट ललाम छबिधाम सुचि, नील-बरन, स्वर्न-तन राजत, डारत ठगोरी॥ स्याम-छबि निरखत अनिमेष राधा सतत, स्तब्ध मनु देखि ससधर चकोरी। राधा-मुख-कमल लखि मा स्यामसुंदर-दृग- भृंग रस-पान-रत अमिय घोरी॥ सखियन अति भीर जुरी, जुगल रूप निरखन कौं, रहीं सब चकित चित, तृनहि तोरी। राधिका-माधव द्वै लसत, मन बसत नित, ह्वै रही प्रेमबस देह मोरी॥