जन्मोच्छव राधिका कुँवरि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा-कृष्ण-जन्म-महोत्सव एवं जय-गान

राग परज - ताल कहरवा जन्मोच्छव राधिका कुँवारि कौ कीरति गीत गवा‌ए जू। मंगलचार करा‌ए बहु बिधि, घंटा-संख बजा‌ए जू॥ भाँति-भाँति के असन-बसन-भूषन बहुमोल मँगा‌ए जू। बिप्रन्हि न्यौति, जिमाय भली बिधि, तिनकौं दान करा‌ए जू॥ नंद जसोदा-रोहिनि दा‌ऊ-कान्हा सँग लै आ‌ए जू। गोपी-गोप-सहित सब कै मन अति आनंद भरा‌ए जू॥ स्वागत करि, वृषभानु नृपति नैं सादर घर पधरा‌ए जू। कीरति कान्हहि, जसुमति कुँवरिहि लै निज गोद खिला‌ए जू। मोद भरी नारी दुहुँ दिसि की हँसि हँसि मंगल गा‌ए जू॥