जनम-जनम-जब-जब -सूरदास

सूरसागर

द्वितीय स्कन्ध

राग बिलाबल जनम-जनम-जब-जब, जिहिं-जिहिं जुग जहाँ-जहाँ जन जाइ। तहाँ-तहाँ हरि चरन-कमल-कमल-रति सो दृढ़ होइ रहाइ। स्रवन सुजस सारंग-नाद-विधि, चातक-विधि मुख नाम। नैन चकोर सतत दरसन ससि, कर अरचन अभिराम। सु‍मति सुरूप सँचै स्रद्धा-बिधि, उर-अंबुज अनुराग। नित प्रति अलि जिमि गुंज मनोहर, उङत जु प्रेम-पराग। औरौ सकल सुकृत श्रीपति-हित, प्रति फल-रहित सुप्रीति। नाक निरै, सुख दुख सूर नहिं, जिहि की भजन प्रतीति।।12।।