गोपिन की उपमा -हनुमान प्रसाद पोद्दार

पद रत्नाकर -हनुमान प्रसाद पोद्दार

प्रेम तत्त्व एवं गोपी प्रेम का महत्त्व

राग मालव - तीन ताल गोपिन की उपमा, बस, गोपी। गोपीरूप-‌ओप सुचि अनुपम अति केवल गोपिन ही ओपी॥ जो रस-रूप आप, जाके रस-सुर-रिषि मुनि पावत रस सोपी। गोपिन-रस-‌आस्वादन हित प्रभु बिरच्यौ मन, मरजादा लोपी॥ जिन के लीला-चरित ललित लखि चकित नमत दुर्बासा कोपी। जिन के पद-रज-कन-परसन हित ऊधौ बन्यौ चहत जड़ चोपी॥ सर्वातीत अमन नित मन रचिता महँ मधुर मनोरथ छोपी। मिल्यौ चहत जिन सौं बिह्वल ह्वै, धन्य-धन्य, जय-जय सो गोपी॥