खेलत झुनझुनियाँ ते स्याम -हनुमान प्रसाद पोद्दार

पद रत्नाकर -हनुमान प्रसाद पोद्दार

बाल-माधुरी की झाँकियाँ

राग भैरव - तीन ताल खेलत झुनझुनियाँ ते स्याम। रतनजटित पलना में पौढ़े नंद-सु‌अन सुख-धाम॥ कटि किंकिनी, कलित कंकन कर, गल मोतियन की माल। उर बघनखा, बाहु बाजूबँद, तिलक सुसोभित भाल॥ गोल कपोल, अधर अरुनारे, घन घुँघरारे केस। मजु मधुर दृग-कंज हरत मन मोहन बाल सुबेस॥ मुकुट मयूर-पिच्छ राजत सिर मुक्ता गुँथे ललाम। परम अकिंचन के धन दुर्लभ जसुधा-मन-विश्राम॥