कुसुमित कुंज कल्पतरु-कानन -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग कालिंगड़ा - ताल कहरवा कुसुमित कुंज कल्पतरु-कानन मनिमय अजिर सुहावन। रास-विलास-निरत नट-नागर गोपी-जन-मन-भावन॥ बिमल बिनोदिनि बचन-बिदग्धा मुग्धा नागरि नारी। नित नव तरुनि, नटिनि निरुपम, नित मनमोहन-मनहारी॥ कोटि-कोटि कामिनि, दामिनि घन संग सुसोभन साजै। मन्मथ-मन्मथ मुरलि-मनोहर द्वै-द्वै के बिच राजै॥