कानन नव निकुंज अति सोहनि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग कान्हरा - तीन ताल कानन नव निकुंज अति सोहनि। कुसुमित लता सुगंध-समन्वित सुर-मुनि-जन-मन-मोहनि॥ नव-पल्लव सोभित कदंबकी साखा परम बिसाल। तेहि पर सुक-सारिका-पिकादिक गावत राग रसाल॥ तहाँ सुदिय सुरय हेम-मनि-मंडित झूला डारी। रसमय रहे बिराज नंद-नंदन-बृषभानु-दुलारी॥ ब्रज-रमनी सब देयँ झकोरे प्रियतम-प्रिया झुलावत। रूप-सुधा-सागर-तरंग-सी मिलि सब मोद बढ़ावत॥ रस-प्रमत्त झूलत नव नागरि तुरत परन-सी लागी। पकरि भरी अँकवार स्याम-घन प्रेम-सुधा-रस-पागी॥ राधा-मोहन, मोहन-राधा भ‌ए एक आकारा। बिहँसि उठीं सब व्रज की बाला, बही अमी-रस-धारा॥