कहूँ सकुच सरन आए की होत जु निपट निकाज -सूरदास

सूरसागर

प्रथम स्कन्ध

राग धनाश्री कहूँ सकुच सरन आए की होत जु निपट निकाज। जद्यपि बुधि-दल विभव बिहूनौ, बहत कृपा करि लाज। तृन जड़, नलिन, बहत बपु राखै, निज कर गहै जु जाइ। कैसैं कूल-मूल आस्रित कौ तजै आपु अकुलाइ ? तुम प्रभु अजित, अनादि, लोक-पति, हौं अजान, मतिहीन। कछुव न होत निकट उत लागत, मगन होत इत दीन। परिहस-सूल प्रबल निसि-वासर, तातैं यह कहि आवत। सूरदास गोपाल सरनगत भऐं न को गति पावत।।181।।