कहत स्याम निज मुख -हनुमान प्रसाद पोद्दार

पद रत्नाकर -हनुमान प्रसाद पोद्दार

श्री कृष्ण के प्रेमोद्गार

राग पीलू - तीन ताल कहत स्याम निज मुख सदा-हौं चिन्मय पर-तत्त्व। पूर्न ग्यानमय, पै न लखि पायौ प्रिया-महत्त्व॥ रहै सदा बरबस लग्यौ, राधा में मन मोर। रहौं प्रेम-बिहवल सदा, लखि राधा चित-चोर॥ राधा-प्रेम अगाध निधि पर्‌यौ रहौं दिन-रात। बिबिध बीचि सँग मधुर नित नाचौं प्रमुदित गात॥ रहत लोभ मो मन सदा, पाऊँ राधा-प्रेम। दुर्लभ, दोष-रहित, परम सुचि ज्यौं निर्मल हेम॥ राधा-प्रेमास्वाद की महिमा अमित अपार। मो सुख ते कोटिन गुनौ वामें सुख-बिस्तार॥