ऐसी कृपा करो नहिं काहूँ -सूरदास

सूरसागर

दशम स्कन्ध

राग सोरठ ऐसी कृपा करो नहिं काहूँ। खंभ प्रगटि प्रहलाद वचायौ, ऐसी कृपा न ताहूँ। ऐसी कृपा करी नहिं गज कौं पाइ पियादे धाए। ऐसी कृपा तबहूँ नहिं कीन्ही, नृपतिनि बंदि छुड़ाए। ऐसी कृपा करी नहिं भीषम-परतिज्ञा सत भाषी। ऐसी कृपा करी नहिं, जब त्रिय नगन समय पतिराखी। पूरन कृपा नंद-जसुमति कौं, सोइ पूरन इहिं पायौ। सूरदास प्रभु धन्य कंस, जिनि, तुमसौं कमल मँगायौ।।569।।