ऊधौ! सो‌ई प्रीति अनन्य -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग ईमन - तीन ताल ऊधौ ! सो‌ई प्रीति अनन्य ! सो‌ई जनम सफल, जेहि कबहूँ आवत नहिं सुधि अन्य॥ हमरे प्राननाथ मनमोहन, हम सौं उनकी प्रीति। तुम का जानौं या रहस्य कौं, निपट अटपटी रीति॥ बिरह-बिकल यह देह दूबरी, दीखति गत-लावन्य। सुधानंद-सागर हिय लहरत, बिकसित नित तारुन्य॥ कहाँ तिहारौ जोग-ग्यान-सीकर अति तुच्छ नगन्य। कहाँ अतुल सौन्दर्य-सुधारस-बारिधि सुमधुर धन्य॥