अब मोहिं सरन राखियै नाथ -सूरदास

सूरसागर

प्रथम स्कन्ध

राग गौरी अब मोहिं सरन राखियै नाथ। कृपा करी जो गुरुजन पठए, कह्यौ जात गह्यौ हाथ। अहंखाव तै तुम बिसराए, इतनेहिं छूट्यौ हाथ। भवसागर मैं परयौ प्रक्ति-बस, बाँध्‍यौ फिरयौ अनाथ ? स्नमित भयौ, जैसै मृग चितवत, देखि देखि भ्रम पाथ। जनम न लख्‍यौ संत की संगति, कह्यौ-सुन्‍यौ गुन गाथ। कर्म, धर्म तीरथ बिनु राधन, ह्वै गए सकल अकाथ। अभय दान दै, अपनौ कर धरि सूरदास कै माथ।।208।। इस पद के अनुवाद के लिए यहाँ क्लिक करें